Illorput nittartagaanut tikilluarit

Innuttaasut illuat Illorput kulturikkut suliaqarfiuvoq innuttaasunik peqataatitsinermik aamma isumassarsiorluni sammisaqarnermik ingerlatsiffiusoq. Illu ullut tamaasa nal. 8.00 – 16.00 ammasarpoq, aamma workshopinik aaqqissuussinernillu ingerlatsisoqartillugu sivisunerusumik ammasarpoq.

Illu assigiinngitsunik tallimanik initaqarpoq tamarmik siunertanut assigiinngitsunut attartortinneqarsinnaasut. Ininik attartornissamut inniminniinneq internetikkut inniminniivik aqqutigalugu pissaaq.

Innuttaasut aamma peqatigiiffiit ininik sammisanut assigiinngitsunut atorneqarnissaannut periarfissiinerup saniatigut Illorput nammineq workshopinik aaqqissuussinernillu assigiinngitsunik ingerlatsisarpoq.

 

Init

 Inersuaq

Inersuarmi inuit amerlanerpaamik 80-it isersimasinnaapput.

Inersuaq ataatsimiinnernut, pikkorissarnernut, nalliuttorsiornernut oqallitsitsinernullu attartorneqarsinnaavoq.

Ini nipilersuutinut qullernillu inissitsiterinissamut periarfissagissaarpoq, taamaattumik isiginnaartitsivinnguatut ass. naleqqulluni.

Inersuarmut atasumik igaffeqarpoq inersuarmik attartornermi atorneqarsinnaasumik.

Atuisut aalajangersimasut piffissani makkunani:
Peqatigiiffik NAIP Marlunngorneq aamma sisamanngorneq nal. 19 – 22.
Apisseq marlunngorneq nal. 10 – 12.
Majoriaq isiginnaartitsisartut pingasunngorneq nal. 8 – 12.
Linemik qitittartut pingasunngornerit nal. 19 – 21.
Meeqqat sammisaqarlutik pinnguarnerat sisamanngorneq nal. 10 – 13.
Muku tallimanngorneq nal. 10 – 12.

 

Inersuaaraq

Ini suliniutinik, ataatsimiisitsinernik pikkorissartitsinernullu atorneqarsinnaavoq.

Internetimut attaveqarpoq aamma kaffisinissamut periarfissaqarpoq.

Ulluinnarni ini tamanut ammavoq, arlaannit inniminnerneqarsimatinnagu.

Inimi amerlanerpaamik inuit 15-it isersimasinnaapput.

Mersortarfik

Ataasinngorneq nal. 19.00 – 21.00 – Hold 1

Pingasunngorneq nal. 19.00 – 21.00. – Hold 2

Peqaajumalluni nalunaaqqaarnissaq pisariaqanngilaq.

Ataasinngornermiit tallimanngornermut sannavik kikkunnut tamanut ammasarpoq nal. 08.00 – 16.00.

Qalipaasarfik

Marlunngorneq nal. 17.00 – 20.00 – Hold 1

Arfininngorneq nal. 13.00 – 16.00. – Hold 2

Ornigullutit takkussimasut allat peqatigalugit nammineq isumassarsiannik qalipaallutillu titartaarujooqateqarit.

Atortussat ilinniartitsisumit aningaasanik akiliilluni pisiarineqarsinnaapput.

Peqaajumalluni nalunaaqqaarnissaq pisariaqanngilaq.

Marriorfik

Ataasinngorneq nal. 17.00 – 20.00 – Hold 1

Pingasunngorneq nal. 17.00 – 20.00. – Hold 2

Aatsaat aallartinniaruit alakkartigut aallartinnissannut ikiorneqassaatit. Misilittagaqareeruit aamma aggiinnarsinnaavutit allanik isumassarsiorusukkuit marriorfimmi atuisut allat peqatigisinnaavatit.

Pikkorissarneq peqataaffigisaq qaammatit pingasukkuutaarlugit 100 kr.-imik akeqarpoq. Naatsorsuutigissavat atortussanut akiliutissat 400 kr.-it missaanniimmata apeqqutaalluni sunik suliaqarnersutit. Ilinniartitsisumut aningaasanik akiliisoqassaaq.

Peqaajumalluni nalunaaqqaarnissaq pisariaqanngilaq.

Ataasinngornermit tallimanngornermut nal. 08.00 – 16.00, marriorfik atuisunut misilittagaqareersunut ammasarpoq.

Erseqqinnerusumik paasisaqarumalluni oqa. 36 63 25 imaluunniit illorput@sermersooq.gl paasiniaaffigineqarsinnaapput.

Attartornermi isumaqatigiissut

Illorpumi inimik attartornermi isumaqatigiissusiortoqassaaq. Isumaqatigiissut aatsaat atuutilissaaq, attartortoq aamma Illorpumi akisussaasup isumaqatigiissut tamarmik atsiorpassuk. Attartornermi akiliutissaq attartornissaq sapaatip-akunneranik sioqqullugu akilerneqassaaq. Piffissaq eqqorlugu attartornissamut akiliutissaq akilersimanngikkaanni inniminniisimaneq atorunnaassaaq.